Troposferako tenperaturaren joera ezagutzeko, estratosferaren eragina kontuan hartzen duen eredu estatistikoa egin du AEBetako ikerketa-talde batek. Eredu horrek berotze globalaren gaineko azterketen emaitzak bateratzen lagunduko du.
Izan ere, lurrazaleko termometroek aditzera ematen duten tenperatura-igoera askoz ere handiagoa da mikrouhinen bidez sateliteek neurtzen duten troposferaren beroketa baino. Estratosferak troposfera hozteko duen joera kontuan izanik, sateliteen neurketak eta lurrazalekoak uztartu ahal izango dira.
Elhuyar Zientzia
