Elhuyar zientziaren komunikazioa

Amazonas ibaiaren adina zehaztu dute

2009/07/09 Kortabitarte Egiguren, Irati - Elhuyar Zientzia

Amazonas ibaia duela 11 milioi urte sortu zen, eta gutxi gorabehera duela 2,4 milioi urte hartu zuen gaur egungo ur-ibilgua. Horiek dira, hain zuzen ere, Petrobas Brasilgo olio-konpainiak egindako azterketa baten emaitza aipagarrienak. Horretarako, Amazonasen bokalean bi zulo egin dituzte.

Lehenengo aldia da Amazonas ibaiaren sedimentu-ohantzearen jatorriaren azterketa egiten dutena. Sedimentuak 10 kilometroko lodiera du. Petrobas konpainiak egindako zulaketa horietan, sedimentu- eta paleontologia-azterketak egin dituzte; zulaketetako bat itsas mailatik 4,5 kilometroko sakoneran dago.

Ikerketa horrek Hego Amerikako paleogeografiaren eta Amazoniako nahiz Atlantikoko kostaldeko itsasoko organismoen eboluzioaren berri izaten lagunduko digu. Halaber, ibaiko sedimentuen azterketak eskualde horretako klimaren eta geografiaren etapa historikoen berri izateko informazioa eskaintzen du.

Irudia: NASA

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia