Elhuyar zientziaren komunikazioa

Adimen artifizialak gizakiek bezala hitz egiten ikasten du

2001/03/02 Galarraga Aiestaran, Ana - Elhuyar Zientzia

Eguneroko hizkera ulertzeko eta hitz egiteko gaitasuna duen adimen artifizialeko lehenengo programa aurkeztu dute New Scientist aldizkarian.

Hal izeneko programa informatiko hori Israelgo adimen artifizialeko enpresa batek (Ai) garatu du eta, diotenez, adituei iruzur egiteko gai izan da, helduei haur batekin hizketan ari zirela sinestarazi baitie. Laster, programarekin era naturalean hitz egin ahal izango da eta, bide batez, teklatuak baztertu.

Ai-ko zuzendariaren arabera, Hal programak sintaxi malgua edo esanahi nahasgarria duten esaldiak eta aginduak ulertu eta betetzeko gaitasuna izango du, baita txantxak antzematekoa ere.

Hizkuntza naturalaren prozesuan oinarritutako datu-base tradizionalek teknika estatistikoak erabiltzen dituzte hitz-zerrenda luzeak arau gramatikalekin lotzeko. Hal-ek, ordea, lengoaia gizakien modura ikasiko luke. Ikaste-algoritmo sorta batez hornitua, "zaintzaile" batek lengoaia irakasten dio, haur-ipuinak idatziz eta ahoskatze-arazoei guraso batek bezala erantzunez. Gainera, programa hain da txikia, ordenagailu eramangarri batetan ezar daitekeela. Hasieran, umeek bezala, hitz soil eta xaloez erantzungo badu ere, haiek hizkuntzaren oinarriak ikasteko urteak behar dituzte eta Hal-ek, aldiz, egun gutxitan ikasten du.

Zaintzaileak, irakaskuntza-saioen ondoren, Hal-en algoritmo berriei erantzuteko gaitasuna aztertzen du. Horren ondoren, ikasi beharreko hurrengo algoritmoak zein izan behar duten erabaki eta gehitzen dizkio, eta beraz, prozesuak aurrera egiten du. Ordenagailuarekin hitz egiten ari dena pertsona batekin edo makina batekin ari den nabaritzeko gauza ez izatea da helburua.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia