Ordenagailuen etorkizuna

Kolokan dago ordenagailuen etorkizuna. Gero eta transistore txikiagoak egiten ari dira, eta, horri esker, makina ahaltsuagoak merkaturatzen dira. Baina miniaturizazio hori mugara iristen ari da, eta beste estrategia bat bilatu behar da. Horretan dago Intel konpainia handia, hainbat teknologia berri probatzen eta garatzen. Haietako bat, MESO logika izenekoa, Donostiako CIC Nanogune zentroarekin batera ari da garatzen, besteak beste.