Atariko proba: Maite Arroita, ibaiei pultsua hartzen dien biologoa

Maite Arroita Azkarate betidanik izan da naturzalea, beraz, ez da harritzekoa biologia ikasi izana. Ur detrakzioek ibaietan duten eraginari buruzko doktore tesia egin zuen hemen, Euskal Herriko Unibertsitatean, eta, ondoren, Estatu Batuetara joan zen doktoretza osteko egonaldiak egitera. Badira urte batzuk Zientzia eta Teknologia fakultatera itzuli dela eta, klaseak emateaz gain, Landareen biologia eta ekologia saileko ikertzailea da gaur egun.