}

Urola Erdiko ikasleek tailer pilotuetan egindako prototipo zientifiko-teknologikoak aurkeztu dituzte ‘BIZILABE’ Azokan

2017/04/04 Elhuyar Zientzia

Iraurgi Berritzen –Urola Erdiko Garapen eta Berrikuntza Agentzia– eta Elhuyar Fundazioak eskualdean zientzia eta teknologia gaitasunak sustatzeko hainbat ekintza pilotu jarri dituzte abian. Azken asteetan landu diren ekintzak Derrigorrezko Bigarren Hezkuntzako ikasleei zuzendu zaizkie. Irakasleei zientzia eta teknologia irakasteko oinarri metodologikoen inguruko prestakuntza eskaintzeaz gain, ikasleekin hainbat tailer pilotu antolatu dira. Landu diren ekintzen lehen emaitza da Azkoitiko plazan martxoaren 31n egin den “Bizilabe” azoka. Bertan, eskualdeko ikastetxe guztietako gazteek ikusgai jarri dituzte hainbat alorretan landu dituzten prototipoak, besteak beste, mikrobiologia, elektronika eta prototipazioa. Horrez gain, esperimentuak egin dituzte polimeroen edo nanoteknologiaren alorrean.
urola-erdiko-ikasleek-tailer-pilotuetan-egindako-p
Arg. Elhuyar

Floreaga, Ikasberri, Iraurgi, Urola eta Xabier Munibe ikastetxeetako ehun gaztek baino gehiagok eskaini diren tailerretan garatutako prototipo zientifiko-teknologiko aurreratuak aurkeztu dituzte Azkoitiko plaza nagusian. Prototipo hauek bost tailerretan egindako taldekako lanari esker sortu dira, eskualdeko Derrigorrezko Bigarren Hezkuntzako ikasleen gaitasuna eta prestakuntza hobetze aldera egin direnak.

Azokan ikusitakoa azken asteetan garatu diren ekimen ezberdinen emaitza da. Iraurgi Berritzenek zuzendu du ekimena, Elhuyarren gidaritza teknikoarekin. Proiektuak izaera esperimentala du eta eskualdeko udalek nahiz garapen eta berrikuntza agentziak datozen ikastureteetan lan lerro hau garatzen jarraitzea aurreikusten da.

eu es fr en ca gl

Gai honi buruzko eduki gehiago

Elhuyarrek garatutako teknologia

Elhuyar Zientziak Bizilabe aurkeztuko du Zaragozako Dibulgazio Berritzailearen 3. Jardunaldietan
2015-10-22Zientzia
Ikasteko joko serioak
2018-10-29Zientzia
Mezu zifratuak ikasgelan
2018-10-29Zientzia