Elhuyar zientziaren komunikazioa

Txibia arrautzak zaintzen

2005/12/15 Rementeria Argote, Nagore - Elhuyar Zientziaren Komunikazioa

Txibiek itsas hondoan utzi ohi dituzte arrautzak errun eta gero. Baina ikusi dute Gonatus onys espezieko txibiak besoetan hartuta eramaten dituela, babesa emateko. Eta ez dira bat edo bi: milaka arrautza dira!

Txibia-espezie hori arrunta da Ozeano Pazifikoan eta Atlantikoan, baina, hala ere, ez zen inoiz ikusi arrautza-multzoa zeramala. Harraparientzat are eta jaki preziatuagoa da txibia arrautzak badaramatza eta, hori dela eta, sakonera handietara jaisten omen dira, harrapari gutxiago dagoen lekura.

Rhode Island-eko Unibertsitateko Brad Seibel-ek eta haren taldeak harrapatu dute Gonatus onys arrautza-poltsa babesten —bost txibia ikusi zituzten, bakoitzak bizpahiru mila arrautza zeramatzala—. Aukeraz baliatu, eta irudi ikusgarri hauek lortu dituzte, eta baita bideoan grabatu ere. Horretarako, urrutitik kontrolatutako itsaspeko bat erabili zuten.

Bideoetako batean txibiak ihes egiten du; baina, bestean, gertu-gertutik ikusten dira arrautzak.

Argazkia eta bideoak: MBARI

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia