Elhuyar zientziaren komunikazioa

Orain arteko metano-kontzentraziorik handiena neurtu dute Marteren atmosferan

2019/06/25 Galarraga Aiestaran, Ana - Elhuyar Zientzia Iturria: Elhuyar aldizkaria

orain-arteko-metano-kontzentraziorik-handiena-neur
Curiosity ibilgailuaren Navcam kamerak hartutako irudia, 2019ko ekainaren 18an. Arg. NASA/JPL-Caltech

NASAren Curiosity ibilgailuak orain arteko metano-kontzentraziorik handiena neurtu du, SAM tresnaren laser-espektrometroaren bitartez: 21 ppbv. Curiosityk sarritan detektatu du metanoa; neurketa horietan oinarrituta, badirudi kontzentrazioa handitu eta txikitu egiten dela, denboraldika. Tarteka, ezohiko kontzentrazioak ere neurtu ditu, baina oraindik ez dakite zenbat irauten duten eta aldizkakoak ote diren, ala salbuespenak.

Oraingoan ere, ez dute datu gehiagorik jakiteko ohiz kanpokoa ote den, ezta zerk sortua den ere. Azken galdera hori gako da, metanoa bizidunek sortua izan baitaiteke, baina baita arroken eta uraren arteko erreakzioen ondorioz ere.

NASAk jakinarazi duenez, denbora behar du datu gehiago biltzeko eta neurketa guztiak ondo analizatzeko. Horrez gain, ESAren TGO (Trace Gas Orbiter) zundaren datuak ere aztertu nahi dituzte; hain zuzen, itxaropena dute Marteren azalean eta orbitan jasotako neurketak konbinatzeak aukera emango diela jakiteko zein den metano-iturria eta zer bilakaera duen gas horrek atmosferan.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia