NASAk zuzendari berria du

Sean O’Keefe izango da hemendik aurrera NASAko burua. O’Keefe ingeniaria baino kudeatzailea da, Estatu Batuetako agentzien aurrekontuak kontrolatzen aditua. Hain zuzen ere, Nazioarteko Espazio Estazioak dituen aurrekontu-arazoak konpontzea izango da zuzendari berriaren eginbeharretako bat eta, oro har, NASAk bere proiektuen kostuak kudeatzeko dituen arazoei aurre egitea. Aurreko zuzendari Daniel Goldin-ek dimisioa aurkeztu zuen joan den urrian.