Nanopartikulen gradienteak
2002/07/23 Roa Zubia, Guillermo - Elhuyar Zientzia
Urrezko nanopartikulen gradiente bat osatu dute silizezko azal baten gainean.
Lehen aldia da partikula txikien horrelako banaketa kontrolatua egiten dela. Materialen esparruan urrats garrantzitsutzat jo daiteke; zientzialarien ustez, egitura horiek aplikazio ugari izan ditzakete elektronikan, kimikan eta biziaren zientzietan.
![](images/T020723-01a.jpg)
Material berri hori Ipar Carolinako Estatu Unibertsitatean egin dute. Horretarako, silizezko azal batean oso konposatu organiko bereziak txertatu dituzte; silizio-atomoak dituzten molekulak dira, buru-isatsa egiturakoak. Molekula horien burua silizezko azalean sartu eta isatsak kanpoaldera utzi zituzten gako-lana egiteko. Nanopartikulak gas fasean isuri dituzte jarrera bertikalean; ondorioz, nanopartikulen gradientea lortzen da, azal-zati 'populatuena' goialdekoa izanda. Emaitza indar atomikozko mikroskopioaren bidez aztertu ahal izan da.
Horrelako azaletan, nanopartikulekiko afinitate espezifikoa duten molekulak harrapatu eta bertan erreakzioak eragin daitezke.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia