Itsasontzi piratei buruzko hainbat kontu irakur daitezke aurreko orrialdeetan; ondorengo lerroetan, berriz, Interneteko piratak hizpide. Izan ere, Estatu Batuetako musika- eta teknologia-etxeek, Interneteko piratei aurre egiteko, bat egin dute. Bategitearen helburua, pirateatuko diskoak sarean entzuteko aukerarik ez izatea litzateke.
Musika-etxeek proiektu honekiko duten interesa nabarmena da, sare informatikoan non bilatu jakinez gero, azken nobedadeak entzun eta oso prezio onean entzuteko aukera ugari baitago. Jakina, egoera horretan musika-etxeek uste baino diru-sarrera gutxiago izaten dituzte.
Teknologia-etxeentzat ere interesgarria izan daiteke proiektua, Interneterako tresna digital berriak sortzeko bidea eman dezake eta. Proiektuan 140 musika- eta teknologia-etxek egin dute bat, Universal, EMI, Sony, eta Warner Music enpresa handiak tartean direlarik.
7kn argitaratua
Beñar Kortabarria Olabarria
Elhuyar Zientzia Beñar Kortabarriak kazetaritzan lizentziatua da eta Elhuyar Zientziako erredaktorea.
