Munduko teleskopiorik handiena, Txilen

Cerro Armazonesen eraikiko da munduko teleskopio optikorik handiena; E-ELT (European Extra Large Telescope), alegia. Armazones 3.060 metroko mendia da, eta Txileko Atacama basamortuan dago (Antofagastatik 130 kilometrora, hegoalderantz).

42 metroko ispilu nagusia izango duen behatokia non ezarri erabakitzeko aukera ezberdinak zeuden arren, Europar Behatoki Australeko (ESO) Kontseiluak Txileko muinoa hautatu du, batik bat kokalekuaren "kalitate astronomikoa" nabarmenduta.

Urte-amaieran hasi nahi dute behatokia eraikitzen, 2018. urtean jardunean egon dadin.