Molekula baten argazkia
1986/02/01 Elhuyar Zientzia Iturria: Elhuyar aldizkaria
Begira arretaz irakurle aldameneko argazkiari. Biziaren muina duzu horretan, Azido Desoxirribonukleikozko (DNA) molekula baten argazkia duzu. Kioto-ko unibertsitateko ikerlariek lortu dute irudi miresgarri hori. Horretarako mikroskopio elektroniko bereziki boteretsu bat erabili dute. Mikroskopio horren handiagotze-ahalmena ikaragarria da, 1.000.000.000 aldiz inguru handiago ditzake objektuak.
Halere, argazki hori posible egiteko ez da nahikoa izan mikroskopio boteretsua erabiltzea. Jakina denez, mikroskopio elektronikoek elektroi-sortak igorri egiten dituzte, hauek objektuarekin talka egiten dute eta horren irudia eman. Bestalde, horrelako handiagotze-ahalmena izateko elektroi-sortak oso energetikoak izan behar dute. DNA molekula oso sentikorra denez, babestu beharra dago honelako ingurune batean ipintzean hondatzea nahi ez bada. Japoniarrek, DNA izoztuz oso tenperatura baxutan (-266 °C) lortu dute hori.
Gai honi buruzko eduki gehiago
Elhuyarrek garatutako teknologia
