Marruskadura, antzekoa eskala txikian eta handian

Wisconsin Unibertsitateko ikertzaile-talde batek ordenagailu bidezko simulazio batzuetan ikusi du materialen arteko marruskadurak oso antzekoak direla nanoeskalan eta eskala handian. Hain zuzen, ikusi dute, eskala handian bezalaxe, nanoeskalako objektuen artean marruskadura-indarra elkarren kontra igurzten ari diren bi gainazaletan elkarrekintzan dauden atomo-kopuruarekiko proportzionala dela. Horrek adierazten du okerra dela orain arte nanoeskalako marruskaduraren ereduek jotzen zutena, alegia, nanoeskalan gainazalak guztiz lauak direla.