Nahiz eta behin baino gehiagotan aurkakoa entzun izan den, marrazoek ere minbizia izaten dute. Hori da Estatu Batuetako Johns Hopkins Unibertsitateko ikertzaile-talde batek egin duen aurkikuntza.
Orain arte, uste izan da marrazoek ez zutela minbizirik garatzen eta marrazoen hainbat atal -batez ere kartilagoak- ezin hobeak zirela minbiziari aurre egiteko. Hopkins Unibertsitateko ikertzaileek egin duten ikerketaren arabera, marrazoek gutxi gorabehera 40en bat minbizia-mota jasan behar izaten dituzte. Marrazoen kartilagoetan eragiten duen minbizi-mota bat ere aurkitu dute, kondroma izenekoa. Marrazoen kartilagoetan odol-hodirik ia ez dagoenez, uste izan da minbiziak ez zuela garatzerik. Izan ere, tumoreek elikatzeko eta hazteko, besteak beste, odol-hodiak erabiltzen dituzte. Ikerketa egin dutenen ustez, hainbat gaixotasun sendatzeko medikuntza naturala lagungarria izan daiteke, baina kasu honetan oker zegoen.
7kn argitaratua
Beñar Kortabarria Olabarria,
Beñar Kortabarriak kazetaritzan lizentziatua da eta Elhuyar Zientziako erredaktorea.
