T720 izena du Motorola etxeak Europan merkaturatu duen koloretako lehen telefono mugikorrak; alegia, koloretako pantailak dituen lehen mugikorra. Telefonoak bi pantaila ditu: nagusiak 4.096 kolore eta 120x160 pixel-eko bereizmena du; pantaila txikiak, berriz, 96x32ko bereizmena du, eta telefonoa konektatu barik oinarrizko informazioa ikusi ahal izateko erabiltzen da.
85 gramoko pisua eta GPRS sistema ditu, WAP teknologia erabiltzen du, EMS mezu-sistemarekin bateratzeko aukera du, ahots bidezko aginduak onartzen ditu, mezu elektronikoak bidal ditzake.... gutxi gorabehera 500 eurotan saltzen dute.
Elhuyar Zientzia
