Elhuyar zientziaren komunikazioa

Itsas mihilua

1995/10/01 Terés, Joxepo Iturria: Elhuyar aldizkaria

FITXA TEKNIKOA Itsas mihilua

Espezie honen familia habitat desberdinetan ondo ordezkatuta dagoela esan behar dugu eta erraz bereiztuko dugu gainerako familietatik, duen lore-multzo ginbaildunari esker. Familia honen barruan 50 genero pasatxo aipatzen dira Europan, horietako gehienak Euskal Herrian aurki daitezkeelarik.

J. Terés

Bestalde, aztergai dugun itsas mihilua, Crithmum generoko ordezkari bakarra dugu. Espezie honen hosto estu eta mamitsuei esker berehala bereiztu ahal izango dugu, bere familiako kideetatik. Oro har, landare hau oso adarkatua izaten da, 50 cm-ra irits daiteke eta iraunkorra dela azpimarratu behar da. Loreak, berde-horiskak, txikiak (2 mm) eta oso ugariak izanik ginbail-eran biltzen dira (3-6 cm) eta uztail-urria bitartean azaltzen dira. Fruitu helduak berriz, berde-marroiskak izaten dira.

Landarearen izenak adierazten digunez, kostaldeko landarea dela pentsa daiteke eta horrela da, itsas inguruko habitat desberdinetan bakarrik hedatzen baita, batez ere labar eta ezpondetan, nahiz eta geratzen diren azken dunetan ere topa daitezkeen.

Bere banaketa mugatua bada ere, nahikoa arrunta dela esan behar dugu, eta homogenoki zabaltzen da gure kostaldean. Olatuen eraginetik oso gertu daudenez, hostoen zaporea gazia dela diote eta entsalada-modura kontsumitzen omen dira. Landareak dituen gai eta propietateak direla eta, marinelek eskorbutuari aurre egiteko hartzen zuten.

Familia: unbeliferoak
Espeziea: Crithmum maritimum
Banaketa: kostaldera mugatua. Arrunta
Habitata: itsaslabarrak bereziki, dunak
Sendabelarra: bai

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia