Hwang-en ikerketa ez da alferrikakoa izan, azken finean

Aurtengo polemikarik biziena izan da: Hwang ikertzaile korearrak iruzur egin zuen giza enbrioien klonazioa helburu zuen ikerketa batean. Bada, Hwang-en ikerketa gertutik aztertu dute Bostongo Haurren Ospitalean eta Harvard Zelula Amen Institutuan, eta ikusi dute aurrerapauso handia izan zela: gizakiaren zelula amak ez zituen lortu nukleoaren transferentzia bidez --hark aldarrikatu zuen bezala--, baina bai, konturatu ez zen arren, partenogenesi bidez, hau da, ernaldu gabeko obuluetatik abiatuta.