}

Hari-haritik atera da onik

2009/01/01 Elhuyar Zientzia Iturria: Elhuyar aldizkaria

Hari-haritik atera da onik
2009/01/01 | Elhuyar
(Argazkia: Melburnian/Wikipedia)

Galapago uharteetan inbaditzailetzat jotzen zuten landare bat, Hibiscus diversifolius, berez hango landarea dela frogatu dute Bernako Unibertsitateko ikertzaile batzuek. Azkar-azkar ari da hedatzen Galapagoetan landare hori, eta inguru horretako ingurumen-programetan lanean ari diren zientzialariek uste zuten Pazifikoko eskualderen batetik iritsi eta hango landareei lekua kentzen ari zitzaiela. Eta hasiak ziren landarea suntsitzeko planak lantzen.

Bernako Unibertsitateko taldeak landare horren polen-haziak aurkitu ditu gizakia Galapagoetara iritsi baino milaka urte lehenagoko sedimentuetan. Berez hangoa dela frogatu du, beraz. Dirudienez, hogeigarren mendearen erdialdean gertatu zen sute handi batek gehienak suntsitu zituen, eta galdutako lekua berreskuratzen ari da orain.

1
249
2009
1
002
Ekologia
Berriak labur
4

Gai honi buruzko eduki gehiago

Elhuyarrek garatutako teknologia