Sinplea eta sendoa da mendian zaborrak erretzeko labe hau. Erabat askatu eta bizkarrean eraman daiteke eta orduko 20 kilo hondakineraino erre ditzake. Mendizaleek beren espedizioetan (Himalaian, Pirinioetan eta abarretan) utzitako zaborrak tratatzeko irtenbide aproposa da. Laster Everesten dagoen Khumbu bailaran ipiniko dute eta Euskal Herriko hainbat menditan ere beste horrenbeste gertatuko dela espero dugu, bazterrak txukun manten daitezen.
Elhuyar Zientzia
