Erreakzio kimikoak begi-bistan!

Irudikoa nitrogeno-molekula bat da, alegia, bi nitrogeno-atomo (gorriz) eta elektroi-bikote bat bien artean eta inguruan (urdinez).

Argazkia ateratzeko erabili duten teknika Kanadako eta Japoniako fisikariek garatu dute elkarlanean. Teknika berri horretan laser-pultsu oso laburrak erabiltzen dira, elektroiak erantzun egiten die, eta haren posizioaren berri jasotzen da hala.

Teknika horren bidez atomoen orbitalak hiru dimentsiotan irudikatzen dira; eta, kasu honetan molekula baten irudia jaso duten arren, molekula baten baino gehiagoren arteko erreakzioetan elektroiak nondik nora mugitzen diren ikusteko ere balio omen du.

Argazkia: Nature