Elektroien bat-bateko argazkia
2005/01/01 Elhuyar Zientzia Iturria: Elhuyar aldizkaria
Kanadako eta Japoniako fisikariek elektroiei argazkiak ateratzeko teknika bat garatu dute. Teknika berri horretan laser-pultsu oso laburrak erabiltzen dira elektroiak kitzikatzeko, eta, elektroi horietako bakoitzak erantzuten duenean, haren posizioaren berri jasotzen da.
Teknika horren bidez atomoen orbitalak hiru dimentsiotan irudikatzen dira. Nature aldizkarian nitrogeno-molekula baten irudia argitaratu dute; baina, teknika hori garatu dutenen arabera, molekula baten baino gehiagoren arteko erreakzioetan elektroiak nondik nora mugitzen diren ikusteko ere balio omen du.
eu es fr en ca gl
Gai honi buruzko eduki gehiago
Elhuyarrek garatutako teknologia
