Elhuyar zientziaren komunikazioa

El Sidroneko neandertalek landareak jaten zituztela ondorioztatu dute

Hortzetako lertzoa aztertuta ikusi dute landarejaleak zirela eta sendabelarrak erabiltzen zituztela

2017/03/09 Galarraga Aiestaran, Ana - Elhuyar Zientzia Iturria: Elhuyar aldizkaria

el-sidroneko-neandertalek-landareak-jaten-zituztel
El Sidroneko neandertal baten masailezurra. Arg. Andres Díaz/CSIC

El Sidron (Asturias) kobazuloko neandertalek pinaziak, perretxikoak eta goroldioa jaten zutela frogatu dute, hortzen lertzotik erauzitako material genetikoa aztertuta. Aldiz, ez dute topatu haragia jaten zutela erakusten duen frogarik. Ikertzaileen esanean, neurri batean harrigarria da, orain arte nagusiki haragijaleak zirela uste izan baitute,  beste aztarnategi batzuetako fosiletan oinarrituta (Belgikako Spy II, adibidez).

Horrekin batera, gaixotasunei aurre egiteko sendabelarrak erabiltzen zituztela baieztatu dute. Hori lehendik ere ezaguna zen; kasu honetan, Penicillium onddoaren eta makalaren arrastoak topatu dituzte. Lehena antibiotikoa da eta bigarrenak azido salizilikoa du, aspirinaren osagai aktibo bera.

Bestalde, mikroorganismo  baten genomarik zaharrena erauztea lortu dute, neandertalen hortzen lertzotik. Methanobrevibacter oralis arkea da, eta kalkulatu dute, eboluzioan, neandertalen anduia eta gure espeziearena duela 112.000-143.000 urte bereizi zirela.

Nature aldizkarian argitaratu dute ikerketa osoa .

5.0/5 rating (1 votes)

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia