Elhuyar zientziaren komunikazioa

EAE-n zabor elektronikoa biltzeko plana frogatzen

1999/03/01 Elhuyar Zientzia Iturria: Elhuyar aldizkaria

Euskal Autonomia Erkidegoan zabor elektronikoa biltzeko eta birziklatzeko ezarri den plana era honetako lehena da Espainian, eta etorkizunean Europako Batasuneko zabor-bilketaren inguruko araua ezartzeko proba gisa erabiltzen ari dira. Azken lau urteetan 475 tona zabor elektroniko jaso dira, batez ere informatika-ekipoak, telebistak, transistoreak eta musika- eta bideo-aparatuak. Zabor honen guztiaren % 75a birziklatu egin da.

Hasieran Bilboko hirigunera mugatutako esperientzia pilotu bezala hasi zen. Europako beste hiri batzuetan egin den antzekoa zen, baina emaitza onak ikusita, Eusko Jaurlaritzak EAE osora zabaltzea erabaki zuen. EBko Lehentasunezko Hondakinen Programakoa da saiakuntza hau, eta 2000. urtean arau orokorra ateratzeko lehenik gizartearen erantzuna eta kostu ekonomikoa aztertu behar dira hiri ezberdinetan egiten ari diren esperientzia pilotuen bidez.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia