Alemaniako Messel aztarnategian aurkitutako bederatzi dortoka pare kopulatzen ari zirela hil ziren. Hala ondorioztatu dute Tübingengo Unibertsitateko ikertzaileek, aintzira bat izandakoaren sedimentuetan aurkitutako 47 milioi urteko fosil horiek aztertuta. Biology Letters aldizkarian argitaratu dutenez, ar batek eta eme batek osatutako pareak dira denak, eta kasu batzuetan buztanak lerrokatuta dituzte. Dortoka urtarrak, uretan kopulatze dutenean, hondoratu egiten dira pixkanaka. Hori ez da arazo bat izaten normalean, baina, kasu honetan, ikertzaileen hipotesia da aintziraren hondoko urak oxigeno gabeak eta toxikoak zirela.
Etxebeste Aduriz, Egoitz
Elhuyar Zientzia Itsas Biologian eta Animalia Biologian lizentziatua, La Lagunako Unibertsitatean (Tenerife). AZTI-Tecnalian hasi zuen bere ibilbide profesionala, hainbat ikerketa-proiektutan parte hartuz. 2006ko azaroaz geroztik Elhuyar Fundazioko Zientziaren Komunikazioa sailean ari da lanean. Elhuyar Zientzia eta Teknologia aldizkariko erredaktorea eta erredaktore-burua da, eta Zientzia.net webgunearen arduraduna.
