Bideo-kamerak ikusmiran

Garai bateko bideo-kamerak jadanik baztertu ditugun bezala, gaur egungoak ere zahartzen hasiak dira. Hitachik ekoiztutako MPEG izeneko kamera omen da belaunaldi berriko lehena.

Hemendik aurrera, bideo-kamera berria erosi baino lehen, merkatuko sistema berriei erreparatu beharko diezu, gero eta alde handiagoa baitago batetik bestera Hitachi izeneko enpresak multimediako CD-tan baliagarri izango den bideo-kamera iraultzailea jadanik kalean jarri du, gainerako enpresen haserrerako, noski.

MPEG izeneko sistema da enpresen arteko borroka berria piztu duena. Hitachik MPEG-k eskatzen duen miniaturizazioa egitea lortu du: sistema berriaren 300.000 osagarriak 600 miliwatt inguru soilik kontsumituko dituen txip txikian integratu ditu.

Eskutik eskura erabiltzekoa izango da, beraz, bideo-kamera berri eta txikia. Orain arteko su-etena apurtu du Hitachik; izan ere, DVC izeneko sistema erabiltzekotan ziren enpresa nagusiak, baina hemendik aurrera, japoniarrek irekitako bidetik jo beharko dute gainerako guztiek ere.