Robot espontaneoa

Pepper Euskal Herriko Unibertsitateko informatika fakultatean bizi den robot sozial bat da. Hitz egiteko gaitasuna dauka eta baita mugitzekoa ere, baina ekintza horiek guztiak egiteko aurrez programatu egin behar dute. Robotak hitz egiten duenean mugimendu naturalagoak, espontaneoagoak, egin ditzan EHUko Robotika eta Sistema Autonomoen ikerketa taldeko kideek erronka polit bati eutsi diote: Pepperrek mugimendu berriak bere kabuz sortzea nahi dute.