Norberak energia sortu eta kontsumitu

Munduan energia sortzeko erabiltzen ditugun ereduak aldatzeko beharra aspaldidanik mahai gainean dagoen gaia da. Abiatu den trantsizio energetikoaren bidean, autokontsumo elektrikoak gero eta oihartzun handiagoa du. Joan den urtean sartutako araudi berriak aldaketa nabarmenak baimentzen ditu eta Energiaren Euskal Erakundearen eskutik, autokontsumoaren atzean dagoena ezagutuko dugu, eta eguzki-energia fotovoltaikoko proiektuak egiten 12 urte daramatzan Ekilor enpresak duen eskarmentua ere ikusiko dugu.