Atariko Proba: Olatz Azurza, ingeniaria eta 'ikerkekintzailea'

Euskal Herriko Unibertsitateko Ingeniaritza eskolan egin dugu hitzordua Olatz Azurza Zubizarreta donostiarrarekin. Ingeniaritza elektrikoko klaseak ematen ditu bertan, eta Ekopol ikerketa-taldeko kidea da. Goiener energia kooperatibaren sortzaileetako bat da, eta Mugarik Gabeko Ingeniaritza gobernuz kanpoko erakundeko kidea. Izan ere, ikerketa egiteaz aparte, gizartean eragitea garrantzitsua dela uste du. Berak dioen bezala, “ikerkekintza” egiten du.