#15 EHU-Ekinean: Olatz Ortega Vidales

Olatz Ortega Vidalesek, unibertsitateko ikasketak hautatzean, biologiako graduaren alde egin zuen: "Bizia bera, hau da, ekosistemak eta haien arteko elkarreraginak azaltzen dituen zientzia da niretzat biologia". Eta horren ondotik, ekotoxikologiako master bat egin zuen: "Eta hor beste aldea ikasi genuen: giza jatorriko kutsadurak zelan eragiten dien gure planetako beste izaki guztioi. Horrez gain, eta pixka bat buelta emanda, bioerremediazioa ere ikasi genuen, alegia, naturarekin arituz zelan aurre egin kutsadura horri", azaldu du Ortegak. Orain "Kontuz, ez nazazu zapaldu!" herritarren zientziako proiektuan dabil lanean, eta ezinbestekoa iruditzen zaio ikuspegi inklusiboarekin aritzea. Argi dio: “Derrigorrezkoa iruditzen zait desberdinak garen pertsonek lekua izatea zientzian”.

EHUko Zientzia eta Gizarte Garapenaren eta Transferentziaren Arloko Errektoreordetzaren saioa, Elhuyarrek ekoitzia, Ana Galarraga Aiestaranen eskutik.