Elhuyar zientziaren komunikazioa

Etika

Gezurra zientzian

2019/12/07

Zientziaren historian jazo diren iruzurrei begiratu diegu. Zerk bultzatzen ditu ikerlartzaileak gezurra esatera? Ze mekanismo ditu zientziak gezurrak antzemateko? Erantzun bila UPV/EHU-ko irakasleengana eta ikertzaileengana jo dugu. Ondorio argi bat atera dugu: ez da batere erraza zientziari ziria sartzea!
Adimen artifiziala jokoan
 

Adimen artifiziala jokoan

2019/12/01

Adimen artifiziala erronka teknologiko handia da gizakiontzat: gure gaitasunak dituzten makinak sortzea. Gurekin komunika daitezkeen eta, datu-kantitate izugarriak prozesatuta, beren kabuz ikasi eta erabakiak har ditzaketen makinak. Oraindik baten batek urruti senti badezake ere, gure bizitzan txertatuta dago jada adimen artifiziala, eta dena zipriztinduko du datozen hamarkadetan: garraioa, hezkuntza, kultura, finantzak, nekazaritza…

Urte gutxi barru, morroi informatiko pertsonalen bidez egingo ditugu erosketak, haiek iradokiko digute nola hobetu gure ikasketa-prozesua edota, gure sintomez galdetuta, diagnostiko medikoa egingo digute. Askoz ere eraginkorragoak izango gara adimen artifizialari esker, baina, bestalde, robotizazioak gizakioi lana eta tokia kenduko digulako kezka ere badute hainbatek.

Bada teknologia hori azkarregi garatzen ari dela dionik ere; aurrez erantzun beharreko galdera asko ikusten dituztenak. Izan ere, adimen artifiziala gure gizartearen mundu-ikuskeraren adierazpen bat da. Garrantzitsua da, hortaz, gizarteak ondo mamitua izatea teknologia hori, iritzi landua eta argia izan dezan legeak finkatu aurretik; ez dadin bihurtu gu geu kontrolatuko gaituen teknologia.

Oinarrizko hiru galderari heldu diegu, egungo egoeraz eta datorkigunaz jabetzeko: Zein dira adimen artifizialaren benetako potentziala eta erronka nagusiak? Zer hutsune ditu une honetan? Zer arrisku? 

Galdera horiei erantzuteko eskatu diegu adimen artifizialaren inguruan lanean ari diren bi adituri: Gorka Azkune Galparsoro, informatikaria eta adimen artifizialeko ikertzailea, eta Helena Matute Greño, adimen artifizialaren psikologia ikertzen duen psikologo esperimentala.

Sexua eta generoa aintzat hartzeak ikerketak hobetuko lituzke

2019/11/08

Sexua eta generoa aintzat hartzeak ikerketak hobetuko lituzke

Hainbat ikerketak erakutsi dute sexua eta generoa kontuan ez hartzeak ondorio kaltegarriak izan ditzakeela, adibidez, emakumeen osasunean. Orain, bi faktore horiek aintzat hartzeak ikerketak hobetzeko aukera ematen duela aldarrikatu du nazioarteko ikertzaile-talde batek, Nature aldizkarian argitaratutako artikulu batean.

Artikuluan, sexua eta gene

...

Bonobo emeen sexu-harremanak, jokabide ez-heterosexualak eta geneak, eta katu klonatua

2019/09/25

Bonobo emeek sarriago izaten dituzte sexu-harremanak elkarren artean, arrekin baino. Horrek haien arteko elkarlana sendotzen du. Bestalde, pertsonetan, azterketa genetiko handi bat egin da geneen eta jokabide ez-heterosexualen arteko harremana ikertzeko. Eta klonatutako katuak jatorrizkoaren antzik ez duela ere azaldu du Elhuyarreko Ana Galarraga Aiestaranek, ETB1eko Ahoz aho saioan.

Harpidetu gai honen RSSra

Mota

Iragazi formatuaren arabera

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia