Informatikako Segurtasunerako Nazioarteko Elkarteak (ICSA) egindako azken ikerketaren arabera, aurtengo urtarril eta otsailean, 1998ko garai bereko infekzioen bi halako izan dira; hots, 1997an baino lau bider gehiago. Ikerketa, Panda Software-k sustatua, Estatu Batuetako gobernuko eta enpresetako 300 bulego baino gehiagotan egin dute. Guztira 500 PC-tik gora aztertu dituzte eta bulegoek bi sare lokal edo gehiago eta, gutxienez, urruneko bi konexio zituzten.
Infekzioen gorakada erabiltzaileen % 80k antibirus eguneratuak eduki arren gertatu dira. Kaltetuen % 43k ezin izan dio infekzioari aurre egin; % 91aren zerbitzariak ordubete inguruan egon ziren kaltetuta. % 80k, ordea, ezin izan zuten lanean jarraitu ia bi egun pasa arte. Kalterik gehien (% 56) posta elektronikoak jasan zituen.
7kn argitaratua
Beñar Kortabarria Olabarria
Elhuyar Zientzia Beñar Kortabarriak kazetaritzan lizentziatua da eta Elhuyar Zientziako erredaktorea.
