Elhuyar zientziaren komunikazioa

Test berria tuberkulosia detektatzeko

2003/06/01 Elhuyar Zientzia Iturria: Elhuyar aldizkaria

Orain arteko metodoekin sintomak azaleratu bitartean ez zegoen tuberkulosia detektatzerik. Orain, Oxfordeko Unibertsitateko medikuek diagnostiko goiztiarra egin dezakeen test berri bat garatu dute.

Normalean erabiltzen den testak tuberkulosiaren bakterioari lotzen zaizkion antigorputzak detektatzen ditu. Lotura horri itxaron beharrak gaitza beranduegi detektatzea eragiten du. Gainera, tuberkulosiaren aurkako txertoa hartu dutenen kasuan test horrek positibo faltsuak ematen ditu batzuetan.

Baina bada alternatiba bat: antigorputzak bilatu beharrean sistema immunologikoko T zelula espezifiko batzuk detektatuz gero, gaixotasuna lehen urratsetan diagnostika daiteke. Immunologo ingelesek bakterioaren proteina batzuen aurrean ugaritzen diren T zelulak erabili dituzte test berrian.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia