Pasahitzik gabe

Internet-era sartzeko edo ezkutuko informaziora heltzeko ez da kode sekretu edo pasahitzik behar. Hatz-marka nahikoa da horretarako. Kaliforniako Digital Persona sozietateak prestatu duen U ARE U identifikazio-sistema digitala zuzenean PC ordenadoreari konektatzen zaio.

Eskanerrak erabiltzailearen hatz-markaren lau argazki hartzen ditu eta identifikazio-dosierra osatzen du. Horko algoritmoak MIT (Massachusetts Institute of Tecnology) eta Kaliforniako Caltech Teknologi Institutuko biometri adituek prestatu dituzte. Konexio bakoitzean argiztaturiko zonan hatza ipinita identifikatu egiten du makinak.