Norabide bakarreko ate molekularra

Bi substantzia kontaktuan jarri eta, naturaren legeei jarraituz nahasten badira, ez dago atzera egiterik. Tinta eta ura, adibidez; nahasiz gero, ez dira berez banatuko. Eta, artifizialki ere, oso zaila da. Hala ere, Edinburgoko Unibertsitateko fisikari batzuek lortu dute molekulak banatzea, noranzko bakarreko ate baten bidez. Ateak molekula batzuei pasatzen utzi, eta bueltako bidea eragozten die.