Bi egunetan jaurtiketa atzeratu eta gero, atzo jarri zuten espaziorako bidean New Horizons zunda Floridako Cañaberal lurmuturretik. NASAren misio honen helburuak Pluton eta Txaron dira, gure eguzki-sistemako azken muturrean dagoen planeta eta haren ilargia, hain zuzen ere.
2015ean iritsiko da zunda Plutonera, eta planetaren eta ilargiaren gainazala, geologia eta atmosfera aztertuko ditu. Ondoren, Kuiperren gerrikora zuzenduko da. New Horizons ez da Lurrera itzuliko.
Ikusten denez, azkenaldian, jaurtiketa baten baino gehiagoren berri ematea tokatu zaigu. Urrutira joan gabe, duela pare bat aste ESAren Galileo sistemaren lehenengo satelitea jaurti zutela kontatu genizuen atal honetan bertan.
Argazkia: NASA.
Nagore Rementeria Argote
Elhuyar Zientzia
Elhuyar Zientzia eta Teknologia aldizkarian erredaktore lanak egiteaz gain, irratian ere aritu izan da: aurkezle gisa egin zituen hainbat urte Euskadi Irratiko Norteko Ferrokarrillean Guillermo Roarekin batera. Gaur egun Teknopolis telebista-saioko erredaktorea da, ETBrentzat Elhuyar Fundazioak ekoizten duen saioan.
