Larruazaleko bakterioen mapa
2009/07/01 Elhuyar Zientzia Iturria: Elhuyar aldizkaria
Besaurrean dugu larruazaleko bakterioen dibertsitate handiena
Ez besapean, ez sudurzuloetan, ez buru-azalean. Besaurrean pilatzen dira bakterio-espezie gehien gure gorputz osoko larruazalean. Ondorio horretara iritsi dira Marylandeko Giza Genoma Ikertzeko Institutu Nazionalean, hamar boluntarioren larruazala aztertuta.
Gorputzaren 20 lekutatik hartu dizkiete laginak boluntarioei, eta lagin horietako bakterioen RNA erribosomikoa aztertuta desberdindu dituzte bakterio-espezieak.
Denera 1.000 bat espezie aurkitu dituzte larruazalean, eta, esanda bezala, ikusi dute espezie gehien besaurrean biltzen dela. Gutxien, berriz, belarriaren atzealdean. Gainera, ikusi dute gorputz-atal koipetsuetan, hala nola kopetan, lehorretan baino bakterio-espezie gutxiago hazten dela.
Gai honi buruzko eduki gehiago
Elhuyarrek garatutako teknologia
