"Indar" etxeak superreroalezko elektroimana

Beasainen motore elektrikoak egiten dituen INDAR enpresak, ikerketa-proiektu baten ondorioz superreroalez osatutako elektroiman berria lortu duela eman du aditzera.

Superreroaleak korronte elektrikoarekiko erresistentzia ohmikorik ez duenez, elektroiman txikietan korronte-intentsitate handiak igaroarazita intentsitate handiko eremu magnetikoak lor daitezke.

"Indar" etxeak prestatutako elektroiman berri hauek, Genevan dagoen partikula atomikoen azeleragailuan erabiliko dituzte.