IKERLANen 25. urteurrena
1999/05/01 Elhuyar Zientzia Iturria: Elhuyar aldizkaria
![](images/A143015.jpg)
IKERLAN aurten, bere sorreraren 25. urteurrena ospatzen ari da. 1974an sortu zenetik, enpresek teknologia- eta antolaketa-mailan dituzten arazo zehatzak konpontzeko ikerketan jardun du zentroak, haiek beren berrikuntza-politikak eta estrategiak garatu eta gauzatu ditzaten.
Nahiz eta zentroaren hasierako proiektua hiru industri arlotan oinarritu, eraikinak eta instalazioak ere planteamendu horren araberakoak zirelarik, 1980an zentro-eredu horizontala ezarri zen, teknologietan oinarritua eta arlo askotako eskabideari erantzuteko gaitasuna zuelarik. 1998ko urriaz geroztik, zentroko espezialitate-arloak biltzen dituzten dibisio operatiboak bi lekutan daude: bata, IKERLAN-Mekatronika (Elektronika eta Sistemen eta Diseinu eta Produkzioko Teknologien dibisioekin), Arrasaten dago; eta bestea, IKERLAN-Energia (Energia dibisioarekin) Araban dago, Miñaoko Teknologi Elkartegian.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia