Esofagoko azaleko tumoreak endoskopiaren laguntzaz trata daitezke
2008/05/01 Elhuyar Zientzia Iturria: Elhuyar aldizkaria
Esofagoko azaleko tumoreak erresekzio bidezko endoskopiaren laguntzaz tratatuz gero, litekeena da digestio-hodiaren zati hori erauzi beharrik ez izatea. Teknika hori duela hiru urtez geroztik aplikatzen dute Nafarroako Unibertsitate Klinikan, eta tratatutako gaixoen % 90i ez diote esofagoa erauzi.
Teknika eraginkorra da kartzinoma esofagoaren azaleko geruzetan dagoenean. Esofagoak hiru geruza ditu: mukosa, azpimukosa eta muskulua. Tumorea mukosan dagoenean, kasurik gehienetan, tumorea erabat kentzen da eta esofagoa erauztea saihesten da. Orain gutxi arte, gaitz hori zuten gaixoei esofagoaren erabateko erresekzioa egiten zitzaien. Ebakuntza horrek erikortasun- eta hilkortasun-tasa handia du.
Gai honi buruzko eduki gehiago
Elhuyarrek garatutako teknologia
