Beiraren birziklapena Europan

1992. urtean Mendebaldeko Europako estatuetan birziklatutako beirari buruzko zifrak (absolutuak eta erlatiboak) interesgarriak dira. Holandak 378.000 tona (% 73) birziklatu zituen eta guztietan txapeldun agertzen da. Horren atzetik doaz gainerakoak: Suitza (212.000 t, % 72), Alemania (2.459.000 t, % 65), Austria (175.000 t, % 64), Suedia (76.000 t, % 58), Belgika (216.000, % 54), Italia (786.000 t, % 53), Danimarka (75.000 t, % 48), Finlandia (23.000 t, % 48), Frantzia (1.100.000 t, % 44), Norvegia (24.000 t, % 44), Portugal (62.000 t, % 30), Espainia (312.000 t, % 27), Irlanda (20.000 t, % 27), Britainia Haundia (459.000 t, % 26), Turkia (52.000 t, % 25), Grezia (30.000 t, % 20).

Zifra hauek kontuan izanik, garbi dago Holandaren mailara iristeko gure hiri eta herrietan zabor-bilketarako beira jasotzeko ontzi gehiago ipini behar dela eta jendeak beira birziklatzeko ontzi horiek gehiago erabili behar dituela.