Atomo bat mugitzeko behar den indarra neurtu dute

Kobalto-atomo bat platinozko eta kobrezko gainazal banatan mugitzeko zenbaterainoko indarra behar den neurtu du Estatu Batuetako, Suitzako eta Alemaniako fisikari-talde batek. Atomoak banaka eskala atomikoko zehaztasunarekin mugitzeko erabili ohi duten tunel-efektuko mikroskopio (STM) bat moldatu dute neurketa hori egin ahal izateko, berez ez baita horretarako gai. Kobalto-atomoa platinozko gainazalean 160 pikometro (1,6 x 10^-10 metro) mugitzeko, 210 pikonewton (2,1 x 10^-10 newton) behar izan dituzte, eta kobrezko gainazalean mugitzeko, berriz, 17 pikonewton.