Hubble espazio-teleskopioak berriki bidalitako argazki batean X itxurako hauts- edo hondar-multzo bat ikus daiteke, atzean hauts-arrasto luzanga bat duela. Forma eta ezaugarriak aztertuta, Kalifornia Unibertsitateko ikertzaile batzuek interpretatu dute bi asteroideren arteko aurrez aurreko talka baten ondorioz sortu dela.
Astronomoek aspalditik uste izan dute oso ohikoak direla asteroideen arteko talkak, bereziki asteroide-gerrikoan. Izan ere, oso maiz aurkitu dituzte garai batean gertatutako talken arrastoak; alegia, talketan lehertutako asteroideen pusketak. Baina sekula ez zuten bertatik bertara ikusi horrelako talkarik.
Argazkia: NASA, ESA eta D. Jewitt (UCLA)
Lakar Iraizoz, Oihane
Elhuyar Zientzia Elhuyar Fundazioko Zientziaren Komunikazioa sailean ari da lanean 2006ko urriaz geroztik. Elhuyar Zientzia eta Teknologia aldizkarian ia hilabetero artikuluak argitaratzen ditu, eta Basque Research webguneko arduraduna eta erredaktorea ere bada. Euskal Herrian egiten den ikerketaren berri ematen du Basque Researchek. Biologian lizentziatua da, Leioako EHUn egin zituen ikasketak, eta, Elhuyar Fundazioan baino lehen, Bertiz Jaurerria Parke Naturalean aritu zen lanean, bisitariei harrera egiten eta ingurunea zaintzen.
