Apoaren pozoia, orain sugearena

Asiako suge bat da irudikoa. Rhabdophis tigrinus du izena, eta pozoitsua den galdetzen baduzue, erantzuna baiezkoa eta ezezkoa da. Hori nola litekeen? Bada, berez suge horrek ez du pozoirik ekoizten, baina apo pozoitsuak jaten dituenean, apoaren pozoia gorde egiten du bere burua defendatzeko.

Ikertzaileek ikusi dute sugeak ez badu aporik jaten pozoirik ere ez duela. Apoak jaten baditu, ordea, nola ez dakite, baina apoaren pozoia digestio-aparatutik lepoaren atzealdean dituen guruin batzuetara pasatzen da. Eta arranoren batek eraso egiten dionean, aurre egiten dio guruin horiek puztuta, eta arranoak zauritzen badu, pozoia askatu egiten da. Pozoirik ez duen sugeak oso bestelako jarrera du arranoaren aurrean: hanka egiten du.

Argazkia: Deborah A. Hutchinson.