Unibertsoaren iraungitze-data

Unibertsoa hemendik 24 mila milioi urtera bukatuko omen da; hori kalkulatu du Andrei Linde astrofisikari teorikoak.

Lindek eta haren taldeak Hubble-n egindako neurketak hartu dituzte kontuan, eta lehenengo 11 mila milioi urteko iraungitze-data kalkulatu zuten arren, bikoitza baino gehiago iraungo duela esan berri dute. Unibertsoaren amaiera —Big Crunch deiturikoa— energia ilunak presio negatiboa eragiten duelako gertatuko omen da: Unibertsoa hedatu ahala presio hori handitu egiten da.

Dena dela, aurkariak ere badituzte, eta beste astrofisikari batzuen ustez Unibertsoak mugarik gabe hedatzen jarraituko du.