Txitxar begigorrien bolada bukatu da
2004/07/12 Elhuyar Zientzia
Txitxar begigorriak Ipar Amerikan bakarrik azaltzen dira, eta, ugariak badira ere, asko itxaron behar da haiek ikusteko, tarte luzeak egiten baitituzte lur azpian ezkutatuta. Hain zuzen ere, 17 urtez behin ateratzen dira, eta orduan bai, orduan nabarmenak dira, milioika azaltzen baitira une berean.
Bada, juxtu aurtengo udaberrian egokitu zitzaien ateratzea AEBetako hainbat estatutan. Txitxarren ninfa atera berriak berehala hasi ziren bikotekide bila; izan ere, bi hilabete besterik ez dute izan beren kantuen laguntzaz elkartu, ernaldu eta arrautzak jartzeko. Arrautzak zuhaitzetan jartzen dituzte, eta handik aste gutxira jaiotzen dira ninfak. Gero, zuhaitzen azala urratuz jaiolekua uzten dute eta lur azpian gordetzen dira. Dagoeneko han daude, eta bertan egongo dira datozen 17 urteetan ere.
Argazkia: Nebraskako Unibertsitatea
eu es fr en ca gl
Gai honi buruzko eduki gehiago
Elhuyarrek garatutako teknologia
