Terapia genikoak leuzemia eragin du burbuila-haurretan

Terapia genikoak leuzemia eragin du burbuila-haurretan


Burbuila-haurren gaixotasuna gene baten gabeziak eragiten du. Gaixotasuna sendatzeko behin betiko tratamendua aurkitu nahian, 1999an hamar burbuila-haurri falta zuten genea sartu zieten; horretarako, erretrobirus bektoreak erabili zituzten. 30 hilabeteren ondoren, haurretarik bik leuzemia garatu dute.

Adituen ustez, birusak zelulen hazkuntza kontrolatzen duten geneak oztopatu dituelako gertatu da hori.

Burbuila-haurrek jasaten duten immunoeskasia larria mutazio genetiko baten ondorio da, eta, tratatu ezean, hamabi urte bete baino lehen hil egiten dira. Gaur egun, bizkarrezur-muina transplantatu ohi da gaitz horri aurre egiteko, nahiz eta, transplantearen ondoren, bizitza osoan zehar immunoglobulina hartu behar izaten duten.

Transplanterako bizkarrezur-muin egokirik ez duten haurrentzako aukera bat terapia genikoa izan daiteke. Hala ere, oraingoz ez dute behin betiko sendabiderik lortu.

Elhuyar Zientzia

Buletina

Bidali zure helbide elektronikoa eta jaso asteroko buletina zure sarrera-ontzian

Bidali

Osasuna