Saturnoren eraztunek atmosfera bereizia dute

Cassini-Huygens zundarekin egindako azterketen arabera, Saturnoren eraztunek atmosfera bereizia dute. Atmosfera hori batez ere oxigeno molekularrez osatua dago. Dirudienez, oxigeno hori eraztunetako
uraren ondorioa da; izan ere, urak, lurrundutakoan, hidrogenoa galtzen du, eta atmosferan oxigenoa geratzen da.
Bestalde, Saturnoren errotazio-abiadura moteldu egin omen da. 70eko eta 80ko hamarkadetan egindako neurketekin alderatuta, gaur egun Saturnok zazpi minutu mantsoago biratzen omen du. Gertaera hori ezin dute azaldu oraingoz.