Rosettak Philae aurkitu du
2016/09/06 Galarraga Aiestaran, Ana - Elhuyar Zientzia Iturria: Elhuyar aldizkaria
![rosettak-philae-aurkitu-du](/media/photologue/photos/cache/Philae_found_article_big.jpg)
Irailaren 2an Rosetta zundaren OSIRIS kamerak Philae modulua aurkitu zuen 67P kometaren azalean. Une hartan, kometatik 2,7 km-ko distantziara zegoen Rosetta. Irailaren 30an amaituko da Rosetta misioa, zunda kometara erorita, eta ez zuten espero Philaeren irudirik jasoko zutenik bitarte honetan; hortaz, ezusteko berria izan da.
Irudiari esker ingeniariek ulertu dute zergatik ez zuten lortzen Rosetta eta Philaeren arteko komunikazioa ezartzea: Philaeren orientazioak eragozten du. Hala eta guztiz ere, misioa arrakastatsutzat jo dute ESAko arduradunek, den-dena planifikatu bezala atera ez bada ere, emaitza benetan onak lortu baitituzte.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia