Presiopean hedatzen den materiala
2002/02/01 Elhuyar Zientzia Iturria: Elhuyar aldizkaria
Presioaren eraginez material gehienak trinkotu edo hautsi egiten badira ere, Britainia Handiko Birminghamgo Unibertsitateko eta AEBetako Brookhaven Laborategi Nazionaleko ikertzaileak aurkako portaera duen materiala lortu nahian dabiltza.
![](images/A173002.jpg)
Zeolitoak aluminioz, silizioz eta oxigenoz osatutako solidoak dira, eta egitura molekularrean nanoporoak dituzte banatuta. Egoera arruntean, poro ñimiño horiek ioi positiboz eta urez beteta egoten dira, baina presiopean ur-kantitate bikoitza xurgatzeko gaitasuna dute. Ikertzaileek zeolitoen egitura molekularra aztertu dute, eta 8.000-15.000 atmosferako presioa ezartzean, materiala hiru dimentsiotatik bitan hedatzen dela baieztatu dute. Gainera, zeolitoa hedatzean, poroetan ur-molekulak nola sartzen ziren ikusi zuten.
Ikerketak aplikazio interesgarriak izan ditzake, industrian sortutako mota horretako materialak poluitzaile kimikoak eta hondakin erradioaktiboak xurgatzeko ahalmena izango bailuke ikertzaileen esanean.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia